Сабыр сынар төсле. Давыл чыгар…

Сабыр сынар төсле. Давыл чыгар…
Бар булмышым давыл көткән хәлдә.
«Күзләреңдә күпме гамь бар!»- дисең,
Теләп алган гамем дисең мәллә?!

«Миндә күпме син бар,- дисең,- синдә
Мин бар кебек… бераз… бөртек кенә!..»
Юктыр!.. Сөю тамчылары тулы болыт
Яумый… Күңел күген бара үтеп кенә…

Иртәгәгә иртә. Иләс-миләс килеш
Кичәгемне кичәлмичә йөргән мәлдә…
Давыл нигә кирәк?!. Пышылдыйсың:
» Теләп алган давыл дисең мәллә?!.»

Эльмира Җәлилова.

Комментарии:

Добавить комментарий

Войти с помощью: 

Ваш e-mail не будет опубликован.

Имя *
E-mail *
Сайт